I pozicia thaj diskriminacia e Romenge an i Špania si panda majimpresivno kana an i akaja them arakhlja pe an i ekonomikani kriza. Prekal i gazeta El Mundo, 40% taro Špancia na mangen e Romen peske komšienge.
I Špania ko nakhlo periodo lena la sine sar them so dena la sine sar egzamplo kaj i Romani populacia si inkluzirimi an o politikano, ekonomikano thaj aver čipotipa. Avdive i Romani populacia si ki bilačhi pozicia konektiribaja o segmentia: edukacia, buti, kherutnipa, sastipa thaj avipa dži o instituciakere ofisia.
An i statistika tergjola kaj ko 2007 berš an i Špania sine 750.000 Roma numa avere rigatar e Španiakere Roma kote si anavkerde sar “Hitanos” nane oficialno athinalime sar etnikano minjoriteti.
Numa i storia avere Romencar so resle sar migrantia taro aver thema dživdinen an o phare ekonomsko thaj socialno niveloa thaj kerel pe upral olende diskriminacia.
Odoleske buteder internacionalnoi decizie thaj dekretia i Špania so si signaturaja kergje nacionalna strategia kote si len regionalno fokuso lačharipaja o statusi e Romengoro. Odova si Nacionalno socialno inkluzia thaj specifikane prioritetia ee Romane investicie thaj lejbe akcie ko kotor taro bukjarnipa, edukacia, kherutnipa, sastipa thaj socialno inkluzia.
