Rodel pe faisali vash o statuso biš Romenge so si an i buti an o Govermento so resle paldibaskere decizie , soske an o anglutno periodo lena sine love a na džana sine an i buti, notiringja o ministeri bizo resoro, Aksel Ahmedovski kana kergja vizita an o Delčevo.
Ov akcentirinela kaj akala persone si baro problemo so si le kana avilo an i akaja funkcia, soske sa o persone so si len kontrakto bukjake aso o kanoni, numa sine manipulirime taro romane politikanepartie taro anglutno legaripa so istemalkerel len sine sar mašina votibaske.
– Kamav te vakerav kaj akale personenge kergje bilačhi situacia , trujal so čhinavdo si olenge e bukjarnipaskoro dekreto ola trubul thaj te iranen i plata , O akanutno Govermenti trujal ando dekreto kerel zori te arakhel faisali sar te arakhel obligacia akale personenge, soske ola si politikane izmanipulirime te resel pe zoralipa thaj odolea so sitemalkergje o čorolipa thaj na siguriteto akale terne manušengoro , vakergja ov.
– Te šaj koregirinel pe akava feleri kerdo taro anglutno govermento , palo neveberšeskere baredivesa o presidento an o PCER, Samka Ibraimovski , notiringja lidersko mitingo e praiministerea Zoran Zaev resarinaja te arakhel pe šajdutno lačho faisali e personenge, soske o akti taro Govermento na kamel te kerel revanšo sa okole personenge so si izmanipulirime taro anglutno govermento taro VMRO DPMNE, numa te del pe dživdipa savorenge, vakergja o Ahmedovski.
Ov notiringja kote an o akava periodo ka realizirinen pe nekobor bare proektia , sar so si phrajbe ginekološko ambulanta an o Šuto Orizari.
– Anglal savorenge hulavava o resle rezultatia an o akava resoro , sar o PCER , sar koaliciono partnero taro SDSM , Mukhlo si an o aktiviteto ginekološko ordinacia an o Šuto Orizari , soleasi faisalkerdo o decenisko problemo e mahalake. An i komuna Prilep thaj Bitola ka faisalkerel pe o but decenisko infrastrukturno problemo .
Dendo si finansisko suporto 50.000 eura resarinaja an o Prilep te tamikerel pe drumo džiko than Tri bagrema , kote dopherdo ka faisalkerel pe o problemo e panjea thajh elektrikani energia te kerel pe nevi trafostanica thaj baši Bitola. Dende si finansisko resursia te faisalkerel pe o infrastrukturno problemia an i Kočani, vakergja o Ahmedovski.
Ov bičhavel apelo dži ko sa e dizjakere šerutne te keren majlačhi konekcia er Govermentoa an i akaja sfera.
– Bičhavav apelo dži ko sa o dizjakere šerutne ekstra ki Purabali Makedonia baši majlačhi konekcia te faisalkeren pe o problemia so arakhen pe, na salde o Roma soske o Roma odori na dživdinena an o geto, numa te faisalkeren pe o problemia sa e dizutnenge m vakerel o Ahmedovski.
Prioritetno aktiviteto bašo 2018 berš si o kherutnipa . An o komune Štip thaj Kočani si te adaptirinen pe e komunakere ofisia kote ka kerel pe apartmanegoro thanjariba e romane familienge. An o Štip kakerel pe rekonstrukcia e purane barebinake tarob hospitalo vash enuropsihijatria, a an o Kočani ko Lipar ofiso taro ASNOM, kote ka oven akomodirime 22 romane familie.
