Ole anavkerena sar nasledniko taro Šaban Bajramović, a averenge balkansko Bob Marli. O Bajram Kinoli , majpendžardo sar Kafu , avel tari tradicionalno romani familia tari Đakovica , Kosovo avdive si aktivno an o Novi Sad.
Ov si vokali e grupake “Gypsy Gruw” kote bašavena balkansko romani muzika hemime jazz, rege thaj funk. Ov pire romnjaja dživdinela an i Sremska Kamenica , a kerel buti an o Novi Sad.
„Avilen angleder štar berša. Šungjum kaj o Novi Sad si multietnikano thaj o mmanuša si pozitivno em relaksirano. Pučena man soske bešlem thaj an o Kosovo, Srbia, Albania kote si majlokheste te ove Rom.
Anglal sa me nadžanav sar si te ovel manuš Albanco, Srbianco jali Rom, soske angleder sa me sium manuš, thaj sa palo odova aver.
Dujto džanav te kerav komunikacia manušencar” vakerel o Bajram Kinoli.
Ko bašaviba kote sium an or egiono odova bašaviba konektirinela e manušen. Ko odova bašaviba avena te šunen thaj Srblie, Albancotra, Roma, Trklie.
Aso o Bajram i muzika na ikljol tari nacia, numa taro ilo. But keren thoviba e gogjake , rasizmo thaj diskriminacia e Romenge, Srblienge jali Turkonge numa pohari o manuša haven kaj sa odova si saldedilinipa. I muzika si la baro takati te iranel i lumia thaj odova si fundavutni resarin.
