Paše 2.000 čhave an o droma po Beograd sikaven paše notacie. Ko resto thana an i them aso aver notacie isi panda odokhare. Aven o baredivesa a o persone so mangen devlenge pe droma aven an o majbare dizja bešen pe droma, arakhen e dizutnen ko droma thaj trotoaria. Neko olendar pea lena tikne čhave so si nange thaj pernange.
Notacia bašo mangipa devlenge nane but a panda pohari si evidentirime viktimia soske akava sasto fenomeni ovel an o odola kale zone.
Ko thavdipa akale beršeske o Centro an i protektiva e viktimenge ko kinobikiba e manušencar notirime si paše trianda aktia. Olendar duj si čhave so mangen devlenge pe droma, a panda 5 čhave thaja bare so si čhivde te mangen devlenge thaj seksualno eksplotacia.
An o 2015 berš identifikujme si 10 viktimia ko zorea čhivede mangipe devlenge pe droma , a persi berš sine notirime jekh akti tari sasti čhivdo zorea te mangen devlenge thaj zorea te khuven an i prandin.
– Odola viktimia majbut olendar bešen ko naformalno mahale so nane len elektrika, pani. Socialno si inkluzirime, nane an o edukaciakoro proceso, nane len sastipaskiri protektiva.
Kana isi šubikerinb kaj o čhavo si zorea čhivdo te mangel pe droma jali si viktimi ko kinobikiniba manušencar, informirinel pe i policia thaj o Socialno centro.
O Centro informirinela sako dive sakone čhaveske so avel amende – vakerel o Marko Tošić taro Centro vash integracia e ternenge thaj konstatirinela pe o numero e viktimencar so nane frdibaske, numa na nakhavel o nivelo taro 10%.
