I Ivana Mladenović havljardi sar majšukar režiseri an o 23-to Festivalo taro autorsko filmia, vakerela lak lerel naracia e storiake trujal savi te ovel forma, a o ačhovipa si majimportantno e autoreske, trujal te sine terno da.
I Mladenović si biami an i Srbia, kote 13 berša akana dživdinela thaj kerel buti an i Romania . an o festivali taro autorsko filmia so sine notirime olakoro avgo filmi “Askeria, Storia tari Ferentaria” (Romania /Srbia/Belgia) produkcia , kote aso o žiri ” But dživdo mizasceno so sikavela e terne režisere kaj si baro talento”
O filmi aso olakere lafia sikavel o majbaro kotor tari romansko jekhin jekhe rigatar thaj i romani jekhin aver rigatar prekal mangipaskiri storia.
I Mladenović akcentirinela kaj sako drom si but phrareste te kerel pe avgo filmi a majphare si te ane decizia savo ka ovel odova filmi.
Oj pire kolegonge bičhavel mesažo kaj trubul čačutne te vakeren sako piri storia so na trubul te kerel pe prekal i fikcia, thaj šaj te keren thaj sar video art, kheldo filmi thaj dokumentarco. Importantno so te vakerel pe so kamel o režisero te notirinel – vakergja i Mladenović
O terno režisero džala majodorig te kerel khelde filmia, thaj vakerel kaj akana mangipaja udžarela te iranel pe ko pire dokumentarno filmia.
