Salde nekobor kilometria tari diz Marsej, Francia si o tharde barake kote so angleder nekobor divesa ki bari jag thabilo o 35 beršengoro Lakatuš Amustutel, Rom tari diz Marsej.
Aso o avgo naoficialno informacie ko odova kvarto dživdinen sine paše 30 familie – Roma tari Romania. Maškar odola 30 familie sine thaj 50 tikne čhave.
Ola notirinen kaj šaj akaja bari jag si kerdi mangipaja te tharen odova than, soske nekobor momentia anglal te počminel i jag sine čhinajbe e elektrikake ko sasto kvarti.
Ki bari jag thabile thaj aver barake numa ko vakti sine evakuirime o Roma, salde o Lakatuš na reslja te ikljol ko vakti.
Informativno akava kvarti si buteder Romane familie, kote angleder 1 masek sine bari kag numa ko vakti sine evakuirime sa o manuša odothar bajtake bizo viktimia.
Akana si akcia te šaj kheden pe love vash o transporti e viktimeske o Lakatuš dži khere an i Romania te šaj parunel pe. O transporto si but kuč thaj si ko moldipe taro paše 4 dži ko 5.000 eura.
