13 -to dekemvri si dive kote manglo kali na, si data so notirinela o bianipa – fundirib duj interesno aktia.
O jekhto si o binadodive e manušeske so jekhutne khuvgja an o analia e romane historiake taro sako aspekti. Zoran Dimov si biame an o 1965 berš an o Skopje, si manuš so ko piro 27 berš an o 13 dekemvri ki durutni 1992 berš phravgja o avgo radio thaj tv mediumi an i romani čhib an i lumia – TV BTR Nacional.
Taro akava mediumi majodoig artikliringje pe but edukaciakere, kulturakere, historikane, politikane zbavno thaj čhavorikabe emisiie thaj informacie so vazdingje o romano pučibe ko jekh majučo nivelo.
Palo odova olestar iklile aver mediumeskere droma sar so si o BTR-SAT, i Romani Informativno Agencia – RIA, i avgo romani gazeta Roma Times, o magazinia “Romana”, “Čirikli” thaj “Vilo” a palo odova thaj i SP BTR Prpdukcia.
Presidenti si tari NGO RDICM taro Skopje.
Taro mart 2016 berš oficialno si thaj Presidento an i majbari Internacionalno organizacia e Romengir an i lumia – IRU.
Ko jekh si membro an o Bordo taro ERTFИ thaj membro an o Konsilo e Europakoro.
Akava si drumo so džala o Zoran Dimov si zorale, faisalkerdo thaj anglal sa progresivno si an o anava e laćhipaske e Romane naciake sar an i Makedonia agjaar thaj an i lumia.
Bahtalo biando dive e duj subjektenge – o fizičko Zoran Dimov, thaj institucionalno TV BTR – Nacional.
