Palo trin masekoskere kerde probe o bendi Roma Rock School so hazri te sikavel piro unikatnost so dži akana našungjen ola.
O avgo koncerto e siklenge taro Roma Rock School ka ikerel pe ko savato ќе 16-to dekemvri taro 18:00-20:00 an o klubi Marakana an o Skopje.
„Ko akava koncerti ak prezentirina e siklen so kergje praktika ko nakhle 3 masekoa thaj ka hulaba amari vizia lungovakteskere implementaciake taro Roma Rock School proekto so fokusirinel pe ko naformalno muzikakiri edukacia ko socialno grupe an o regiono an o Skopje prekal i rock muzika” . vakerel o Alvin Salimovski.
Ko konteksti taro Roma Rock School proekto , o romane čhave thaj terne taro aver socialno grupe ka ovel olen šajdipa te oven konektirime an i jekh avri edukaciakoro aktiviteto, , so konektirinel muziciriba an o instrumentia so si lenge mangle thaj si len talento thaj praktikane si te resen e muzikakere džanlipaja prekal bašajbe ko bendi.
O čhave so ka len than an o proekto ka motivirinen pe te phanen o tradicionalno romano meloso e melosea taro aver etnikane grupe an i Makedonia, prekal o rock, jazz, blues thaj aver muzikakere aktia ko periodo taro 12 masekoa.
Daja tumen motivo te hulaven akava akti tumare pašencar thaj amalencar. Savore šaj te aven te len than an o akava koncerti so ka sikavel i buti so len than an i Roma Rock School!
Ma mukhen o momenti te šunen o pendžarutne rock cover so si an o netvorkoe e romane melosea.
O khujbe si bilovengoro.
Youtube: https://www.youtube.com/watch?time_continue=1&v=mlziI3QPM14
