E govermenteskoro membro o rajo Petar Polak sine le dikhiba e Romencar taro Košice ko trujalipa e Romane mahalenge Lunik 9 thaj Mašličkovo kote so duj tiken čhave mule ko 1 thaj 3 januari akava berš. Jekh mulo ki bari jag a o dujto taro šudro.
“Me sium but sekirimo trujal so akaja lokacia si akate 5 berša , thaj o manušikano faktori ignoririnela odova” – vakerel o Polak prekal o citatia tari agencia TASR.
Paše 6.000 Roma dživdinen an o Lunik 9 , 300 an i Mašličkovo mahala thaj paše 200 khera sine rumime taro Lunik ko nakhle 5 berša.
I Polak dengja idea dži ko dizjakoro legaripa taro Košice te kerel pe transferi an i paše fabrika ko reoni taro gav Nižna Misla dži ko Lunik 9 numa i komuna na mangel akaja idea.
“Amen vakergjam kaj isi thaj an o Košice ko industrisko zona te keren pe apartmania taro gav Nižna Misla dži o Lunik 9 te šaj ma te dživdinen akala Roma ko primitivno šartia , numa te ovel olen lačhe dživdipaskere standardia” vakergja o Polak baši agencia TASR. Ov si hazri te del arka ki keriba neve khera.
“I them si la programi te šaj kerel arka akale manušenge” vakergja o Polak ” Si programa baši fundavno konstrukcia kherenge e manušenge o socialcia”
E dizjakoro šerutno an o Lunak o Marsel Šana vakerel kaj si le mangipa te dikhel o problemi so si akana akale substandadrno kherenge numa si limiti taro budžeti thaj šajdipa
” Nane amen placi amaro privat” vakerel o Šana. ” Te sine amaro placi, amen ko sig ka kera o khera”.
