Majuči prosečno plata bašo 2015 berš ko republike tari nekanutni Jugoslavia sine 1.004 eura so si pukjimi an i Slovenia, dži kote majhari thaj majtikni plata taro 361 eura si an i Srbia, akcentirinel pe an i analiza tari agencia Anadolia.
Prosek plata prekal ogorutne statistike kerde an o oktomvri 2015 berš an i Makedonia si 365 eura. Prosek plata an o masek noemvri ko Montenegro si 482 eura, an i Bosna thaj Hercegovina o proseko sine 422 eura dži kote an i Hrvatska o prosek si 747 eura.
An i Slovenia palo nekobor masekoja o prosek irangja pe upreder 1000 eura thaj si majuči bašo 1.49 eura taro januari 2015 berš, dži kote i prosek palata an i Hrvatska taro starti e beršeske uklili bašo 5.44 eura.
