Odori šaj hala pe turli tava, romano gulaši, romani dolma, kote majbitno si te ovel mas thaj te tharel.
Džo sig akana o romane hajbaskere specialitetia i Vesna Hasanovič kerel sine len salde pe paše familiake, thaj dostenge. Numa majbari reklama reslja lake taro akana rametlia pendžardo autori thaj scenaristi Željko Malnar thaj taro dizjakoro šerutno e Zagrebeske o Milan Bandič.
E Vesnakoro rom o Sead, popendžardo maškar o zagrebčania sar o Rom o Braco, vakergja te kerel specijalitetia bašo aver misafiria. Odoleske ko olengoro lokali ” Ko Braco thaj i Vesna” so arakhljovel ko Zagreb ki ” Miramarska cesta” nr.125, ko meni te čhiven thaj Romano gulaši, Japrak sarma, Turli Tava, Sogan dolma thaj aver.
-Ki diz isi kinesko, indisko, francusko, italijansko kujna. Soske ma te ovel amen Romani kujna? – pučel pe o Braco, kote vakerel kaj “oleskiri Vesna” kerel o majšukar specijalitetia. Sa o specialitetia so kerel len i vesna dopherde si giljencar so giljavel i Vesna sa dži kote kerel o hape.
I Vesna vakerel kaj taro ple 6 berša interesirinel pe keriba hajbe. Oj vakerel kaj majanglal siklili tari pli baba te pekel maro. Numa plo zanati bašo keriba hape siklili majbut tari pli sasuj. O receptia na vakerel, trujal sar so vakerel čhivel normalno začinia.
Numa palo so si odokhar unikatno i Romani kujna?
-Oroma našti bizo mas.Sa o specijalitetia si masea thaj tharena – vakerel i Vesna. Oj kerel salde guruvane masea. O Roma na mangen bare sinie, dopheren ko čaro odokhar kobor hala pe lenge. Odoleske kergjum em tikne sarme. Akana planirinen ko plo lokali te len muzičaria, so ka bašaven e misafirenge taro astali ko astali sekaske ekstra. Agjar kerel pe sar ko Ungarsko čardaši.- Vakeren o gazdia akale Romane lokaloske an o Zagreb o Braco thaj i Vesna. Nevebršeske akana ko plo lokali kergje organizacia sar parti kote anavkergje ola sar “Romano Bali”.
