80% taro barabutne 34.000 anketirime Roma taro enja thema membria an i EU si an o riziko taro čorolipa , a an o thema na resen te keren integracia sar minjoriteto, sikaven o rezultatia taro rodaripa e Agenciake tari EU vash fundamentalno niamia (FRA)
Aso o raporto an o 2016 berš jekh taro trin anketirime Roma dživdinena bizo pani ko khera a 46% nane len toaleto, tuši jali najovipaskoro than an o khera.
– Marginalizirime thaj diskriminirime o majbaro minjoriteto an i Europa si seriozno problemoko kanonia e politikake an i EU thaj olakere memvria thema – vakerel o direktoro e agenciake Majkl O Flaharti.
I anketa sikavela kaj jekh taro trin romane čhave jekh drom ko masek sovena bokhale, a 50% taro Roma taro 6 dži ko 24 berša na džana ki škola. Paše 40% taro anketirime vakergje kaj si diskriminirime kana rodena buti, kher, sastipaskiri protektiba thaj an i edukacia.
Ko raporto si notirime sisi tikno progreso aso i situacia e Romencar an o 2011 berš kana sine kerdi i anglutni anketa tari i Agencia.
I Agencia tari EU si fundirimi niamencar thaj potencirinela kaj isi abro čorolipa panada e romenge tari Bugaria, Čehia, Grcia, Špania, Hrvatska, Ungaria, Portugalia, Romania thaj Slovakia.
