Bajraripa o nivelo an i implementacia an i Strategia e Romenge 2014 -2020 thaj o Nacionalno akciono plania kherutnipaske, buti, sastipe, edukacia thaj situacia e Romane djuvljake , si tema e Bukjarne mitingoske socialno inkluziake e Romenge an i Makedonia so ikergja pe erati thaj avdive an o Skopje.
Ko mitingo piro lafi sine e ministere bashi sociala Mila Carovska, o ministero bizo resor thaj sherutno an i implementacia e Strategiake e Romenge an i Republika Makedonia Samka Ibraimovski thaj o konisliaro kordinatori e romane politikenge an o Direktorati buvljaripaske thaj aver politike tari EK i Marta Garsia Fidalgo.
,,O ministerumi hazrkerela unformacia dji ko Govermento e RM te kerel kanonika trampe thaj ekstra registria vash identifikacia e personenge bizo dokumentia. Odova si avgo buti so trubul te kerel pe basho niamia an i jekh them. Isi mangin thaj suporto taro institucie te fasilkeren akava picipa. Dujto buti si angloedukacia. Si proekto an i konkluzia e Romane chavenge thaj majlacho starti ko edukaciakoro sistemo.
Djanaja kaj akaleske trubul sistemsko faisali , a na salde proekto te djan sa o chave an i garteni , a odolea thaj o Roma. Odoleske kera ko lacharipa infrastruktura e gartenenge an i RM, thaj te bajrol o rpofesionalno kadari odothe” vakergja i ministerka bashi sociala Mila Carovska.
Piro dikhipa thaj diskusia sine e aver da NGO romane sektoria thaj o Presidento taro RBICM o Zoran Dimov.
