Kana kerel pe lafi bašo Rusincia thaj olengiri percepcia e Romenge akale thematar sako drom si: O Roma sar džambazia so bikinen grasten, jali nomadia so dromaren ki lumia thaj giljaven lačhe romanse.
Ko nevo vakti dikhel pe kaj o Roma si marginalizirimi jekhin an i Rusia bizo fundavno šrtia dživdipaske bizi infrastruktura thaj aver.
Nesave percepcie ko Rusincie e Romenge si kaj ko desave gava kote dživdinen pobut Roma so dileria drogake. Ola odova dikhen le sr problemi thaj sar egzampli dena i diz Ekaternburg kote isi 5 romane bare mahale so si targetirime sar dileria drogaja. Numa o romano aktivisti Nikolaj Besonov vakerel kaja akala šubikerina si narealno thaj bare.
Ov vakerel kaj ov ki oleskiri mahala an i Moskva isi baro numero Romaso dživdinen taro lačhe profesie sar so si: avokatia, juveliria, profi marketiam studentia thaj aver.
Lko mediumia buvlajrel pe fama thaj tendencia odoleske si asavke narelevantno informacie. Prekal kerde ankete tari rusko populacia 52% olendar si len negativno percepcija mujal e rusiakere Romende.
Prekal o statističko informacie an i Rusia isi 183.000 Roma taro agorutno hramovipa 2002 berš, numa o rajo Besonov vakerel kaj o numero nane adekvatno thaj si 300.000 Roma. Isi but Roma so na mangen te deklaririnen pe sar Roma. Asavke egzamplia si notirime taro aktivistia kote kana mangle te keren intervju jekhe Romea – doktori ov na manglja soske na mangel te ovel le komplikacie ple pacientencar te na haven kaj si ov Rom. Ko jekh jekh Romani profesorka na manglja te del intervju soske na manglja te peravel pli profesionalno pozicia. Odothar ikljol kaj o Roma asimilirinen pe kote so dživdinen. Numa isi asavke si dikhen aver čhane. O istoričari Elza Mihai, vakerel kaj ni jekh na vakergja bašo Rusincia si asimilirime kana olende prependžaren len sine prekal čhora, šubara thaj gavutno, thaj taro jekh drom studirinel sine, butikerel, inžinjeri jali avokati, thaj ni jekh na vakergja kaj si o Rusincia asimilirime. Asavki percepcia akana dela pe e Romeske? Ov vakergja kaj o Roma valjani te ikeren pli kultura thaj tradicia bizi diferenca so keren buti thaj kote dživdinel.
