O Ramo Alievski pendžarutno kumanovsko kovači kana an o 1983 berš sine leske peravdo o purano kher ko pašiba taro o kurko a tari them sine leske dendo nevi dukjana ko pašipa tari buseskoro stasiono.
Numa oleskoro čhavo o Naser Ramovski so akana legarel o dukjani resla leske informacia kaj trubul te mukhel o than thaj isi nevo gazda thaj te pukjinel 1.000 eura e firmake thaj e izvršiteleske.
„Me 34 berša udžarav te den man dukjani ko kukro , a akana ikavgje man avrial. Kana na faisalkergje miro problemi te mukhen man sine . Niko na informiringja man kaj bikinel pe, a akana dekreti te ikljovav. Ikljiljum korkoro, a akana avilo dekreti te pukjinav 900 eura , a odova 500 e firmake thaj 400 e izvršiteleske” vakerel o Ramovski.
Akana o čačipa ka rodel anglal o Kriso, lelha advokati te iranel i dukjana em ka krisinel o borči thaj o paldiba. O akti si notirime ko Obdusmani.
Em akana sa so na resel o čačipa , i 12 dženengiri familia Ramovski ačhona bizi ekszistencia, soske i dukjana sine o faktori so anel lenge sine hajbe. kerel pe lafi purane kovačko familiake so akale bukjaja keren buteder taro 100 berša.
