I TV “Alfa” ka trubul te bičhavel jertisaripa e dizutnenge taro romano nacionaliteto sebepi konstatirimi diskriminacia ko artiklo so dengje ko informativno bloko.
I Komisia baši protektiva tari diskriminacia notiringja elementia so si la diskriminatorsko saikerin upral i funda taro etnikano preperutnipa thaj preperutne taro marginalizirime grupe an o informacia an i televizia.
Aso i Agencia ko artiklo ” Sa si buteder thaj majzorale o Roma po droma” i televizia kergja progresia thaj buvljargja diskriminacia mujal o Roma upral etnikani forma thaj marhinalizirimi grupa.
Ola rodena tari TV “Alfa” ko roko taro 30 divesa kana ka resel lenge akava propozalo, saste thaj phravde te jertisaren pe e Romenge sar marginalizirimi grupa so si identificirimi ko artiklo sar nacia so atakujnela thaj kerel bibahtalipa po droma.
Dži kote i televizia na kerel odova i Komisia si la dekreto te kerel inicijativa anglal o institucie bašo te del pe džovapi, a i Agencia si la niami te anel kriseskoro dekreti anglal Fundavno Kriso Skopje 2 an o Skopje te kerel kompenzacia e zijanipaske.
Tari TV Alfa anglutne botiringje o kerdo feleri thaj ko piro atnvorto dži ki Komisia vakerena kaj ande deciziaja taro redaktori em o kolegiumo o žurnalisto thaj o redaktori taro informativno bloko ka oven globime 20% tari i plata ko avutne 3 masekoa.
