An o 24 Oktomvri ki pherdi sala “vatroslav Lisinski e publika sine la šajdipa te ovel kotor taro spektaklo e pendžarde ansambloa taro rusko -romane romanse “Odjila”
Ola lipargje ko majabre hitia akale bare muzičarenge.
Liparibaske si kaj ola taro piro formiribe an o 1983 berš dži ko 1990 berš ikavgje trin albumia (duj somnakane tiražea) . Ko trinto albumo sine teme taro filmsko muzika, “I kali rig e khameske”, ” O dujto manuš” thaj o “Oftoto dives an o kurko” kote o membria akale grupake truhal sar muzičaria lele than thaj sar akteria.
Ko odova vakti i grupa “Odjila” lelha o phursako – Orfej bašo majšukar ikavdo albumi ki teganutni produkcia taro JRT, thaj europakoro phursako majšukar giljake – ” Solniška” ko festivalo baši majšukar radisko gili an i Europa.
Ko jekh an o 1988 berp ola sine reprezentia e teganutne Jugoslaviake an o Lumakiakro festivalo romane muzikake an o London kote resle bare komplimentia taro legendarno Gypsy King.
