I dujto rota taro lokalno alusariba ka ovel ko kurko , a dizjakere šerutne funkciake ka alusarel pe maškar 70 kandidatia.
Taro skopsko komune dujto rota ka ovel ki Kisela Voda, Gazi Baba, Butel, Čair, Saraj thaj Šuto Orizari.
An o Šuto orizari ki dujto rota si o kandidati taro SDSM o Kurto Duduš thaj o kandidati taro Sojuzi e Romengoro Elvis Bajram.
An i Kisela Voda, o dizutne ka alusaren maškar Filip Temelkovski -SDSM thaj Johan Tarčulovski – VMRO -DPMNE, an i Gazi Baba maškar Boris Gorgievski – SDSM thaj Toni Trajkovski -VMRO DPMNE, an o Butel Velimir Smilevski thaj o Darko Kostovski.
Ko Čair thaj ko Saraj ka ovel dueli maškar o kandidatia tari BESA thaj DUI. An o Čair i funkcia dizjakoro šerutno ka ovel maškar o kandidatia Visar Ganiu – DUI thaj i Zekrija Ibrahimi – BESA a ko Saraj Blerim Bedžeti -DUI thaj Baškim Bakiu – BESA.
