Nane mange klar pendžado o motivo nesave manušenge so nane Roma , te šaj oven “interesno” džanen te ikljon bizo desavo ekstra momento te “generalizirinen nesave nacia jali individua sebepi stereotipia,, diskriminacia jali aver mentalno nasvalipa.
Generalizirinen te šaj kanalizirinen desavo piro depresia. Ola nane len sevdža ka teleperaven li averen pore paše , amal, kolega, komšia, pendžarutno jali aver.
Asavke “generalizatoria” sakote isi trujal amende. Ola aso mande si salde manuša ” so mukhena bibaht” jali jekhutne jekhekletočno artiklo, ni gram godi!
Te vakerel pe olenge asavkenhe so si parvarde natolerancijaja nane fajde soske i “betonirime an i godi”
Numa miro propozalo si, asvakenge trubul te ačhol pe an o drumo.
Sar agorutno egzamplo buvljaripa thaj promocia tari natolerancia prekal o FB si jekh anavea Desovski Goran so sikavel odova.
Panda majtagično si soske akaja persona si membro an o Legaripaskoro Ofiso an i rspektirimi Nacionalno institucia “Tanec” ansambl vash nacionalno khelina thaj gilja an i Makedonia, so si institucia kote so prodefiliringje thaj panda isi renomirime thaj bare membria taro romano nacionaliteto!
A oleskoro FB posti sine: “Šaj li Rom “Cigan” te ovel respektirime artisto – Savo???”
Pučiba kaske isi antvorto – Goran dža te sasljare tut!
Ramuš Muarem
