O legendarno golmani tari Crvena Zvezda nane le nieti te chidel pe thaj te ovel an o pire zoraleste. O Miloje kerel maripa, soske si le familia, amala thaj sasti armada taro tifozia.
Ko tromalo kotor e gaveske Voljavče ko pašipa tari Jagodina, nane phareste te arakhel pe o Milojević. Sa o gavutne an o gav lačhe džanen e manuše so sine majzorale taro doktorengere kale prognoze tari i bibaht thaj barvali thaj pendžarutni fidbalsko kariera.
– Kerav mariba! A so te kerav aver? Nakhle saste 9 berša thaj dava man godi kana džangavdalilem tari koma palo 12 divesa. Savore na pakjana sine. Sar šaj akava?. Šaj soske sium Balkanco, Srbianco, Rom thaj so kame majlačhe?!
Zvonko Milojević o pendžarutno golani ki Crvena Zvezda so sine le daravutni trafikoskiri bibaht, akana kerel zori te šaj te phirel. Oleskoro ilo si baro.
Trujal so si paralizirime taro ekvaš natele numa ov kerel zori te šaj te phirel. O baripa ko manuš so na te na perel, numa te uštel kana ka perel.
„Na piava, na lav cigare. Vakeren kaj našti te hav te piav. Akana trubul te pharaven pire diplome thaj sertifikatia sa odola doktoria tari Germania ” vakerel o manuš so pire vastencar astargja penalia em ko Kamp Nou, thaj ko Old Traford.
Youtube: https://www.youtube.com/watch?v=G52sx-Zv0K4
