An o 2 oktomvri nakhle jekh berš kana mulo o Faik Abdi . Maškar o manuša so džanen o romano pučiba thaj lobi asociacia o anava taro Faik Abdi konektirinena sar persona so sine kotor e Jekhto lumakere romane kongresoske an o London 1971 berš sar delegato tari Makedonia sar kotor e teganutne SFRJ.
Ov sine pioneri e Romane politikane aktiviteteske. Biame an o Skopje – R.Makedonia an o 2 mart 1937 berš , palo agor e edukaciake kerel buti an i fabrika “Komuna” an o Skopje sar konsiliaro e sektorekse ekonomia thaj plani.
Sine deputato an o Parlamento e dizjake Skopje ki teganitni Socialistikani Republika Makedonia taro 1969 dži ko 1974 berš a ani autonomno R.Makedonia sine deputato an o Makedoniakoro parlamento ko duj mandatia taro 1990 dži ko1998 berš. Ov sine thaj lidero avgo Romane politikne partiake an i Makedonia, Partia vash sasti emancipacia -PCER.
