Aso o informacie natro romano NGO an i Srbia paše 200.000 Roma keren nalegalno buti , a 26.000 olendar si registririme thaj evidentirime an i Agencia bukjake.
„Upreder 10.000 Roma momentalno keren buti ko khediba ko umalja an i Srbia a nane notirime thaj keren nalegalno buti bizi sastipaskiri protektiva. Ola notirinen kaj akale problemeske isi forme te regulirinel pe kanonika thaj te formirinen pe modeli taro asociacie thaj kooperacie.
Akale modeleske zainteresirime si i o sa europakere institucie so an o pire proektia si len targeti te čhiven e Romen an i buti , a o EU ko momenti asavke modeli finansirinel ko 13 thema.
Ko jekh trubul te implementirinen pe proektia an i edukacia, soske bizi edukacia ni jekh persona našti ovel konkurentno an i berza bukjake. ” Kana nane prioriteto kobor čhave agorkergje fundavno škola, nmnuma kobor olendar agorkergje fakultetia” vakeren ola.
Aso olengere notacia ko nakhle 10 berša, 3.000 Roma agorkergje fakultetia, thaj udžarel pe panda majbaro numero diplomirime Roma ko avutne deš berša.
