An i agorutni decenia e kovačko profesiake an i Bela Palanka ko agorutne duj -trin berša isi sa buteder buti.
O khujbe e čekičengoro šaj te šunel pe sako dive soske maškar 8.000 dizutne isi upreder 50 kovačko dukjania.
I kovačko profesia an i Bela Palnaka keren buti majbut Roma so akaja profesia legaren tari generacia an i generacia.
Ola notirinen kaj olengere parapapia akaja profesia keren mapalal 500 berša thaj nane majlačhe phirne an i sasti teritoria tari nekanutni Jugoslavia.
O korkoro kovačia vakerena kaj olengere artiklia majbut bikinena pe ki sasti Srbia a majbut an o Niš, Beograd, thaj Kruševac.
Ola vakeren kaj olemgere artiklia so keren lungo vakti si kvalitetno thaj šaj te oven funkcionalno thaj 100 berša.
Majpendžarde si so keren but kvalitetno čhurika, tovera, ašovia, burgie, motike thaj aver. Ola notirinen sar startujngja i migraciagav-foro, i buti prepeli, thaj o alatia so keren i phuv. Numa isi asavke so taro foro iranen pe an o gav thaj palem akana bajrol i buti e phuvjakere alatenge.
