E Themakiri alusaribaskiri Komisia (TAK) erati jali avdive ka organizirinel ždrepka te zokrakerel pe i lista taro kandidatia an o Komsili an o komuna thaj dizjakere šerutnenge ko akanutne lokalno alusariba.
I lista taro kandidatia bašo membria an o Konsilo thaj lista kandidatia dizjakere šerutneske so si aplicirime taro jekh aplikanti te resen jekh numero an o sa o komune.
I lista e kandidatenge tari lista taro TAK ka zojrakerel pe e ždrepkaja thaj odova ka ovel numero an o sa o komune, a o komune so nane len piro membria ka ovel ikavdo oleskoro anav ko oleskoro hramosardo numero e avutne aplikanteske bizo te mukhel pe čučo than.
Majpalune dataja 21. septemvri palem o komunakere alusaribaskere komisie ka trubul te havljaren olsite e kanditatenge bašo membria an o konsilo thaj bašo dizjakere šerutne.
O šovto lokalno alusariba an i Makedonia so si notirime bašo 15 oktomvri , a ka implementirinen pe 3.480 alusaribaskere thana an o 80 komune thaj i Diz Skopje. E alusaribaskiri kampnaka ka startujnel an o 25 septemvri ki jekvaš i rakj a ka agorkerel ko 13 oktomvri. I dujto rota e alusaribasker si notirime duj kurke palo odova an o 29 oktomvri.
