Ko nakhlo vakti baro numero Roma so dživdinen sine ko agjaar anavkerdo komunistikano bloko. Odova havljarel pe o thema taro Purabalo bloko thaj Ex Jugoslavia.
Ko vakti taro komunizmo o Roma sine aktuelno an i asimilacia (egzamplo, oficialno istemalkeriba romani čhib na sine mukhlo), numa olengoro socialno statuso sine relativno lačhe.
Ko planiriba ekonomikane sistemia, ola majbuteder ine an i buti sar nakvalifikujmo bukjarno personali s numa sebepi i komunistikani ideologia sine relativno lačhe plataja.
I situacia irangja pe kana propelo i Sovetsko Unia thaj kana prepelo o komunizmo an i Purabali Europa.
Taro odova momento e Romen si len problemi te arakhen buti ko standardno berza bukjake, majbut sebepi tikni edukacia, tikne kvalifikacie thaj i diskriminacia taro kompanie.
Ko buteder thema tari EU o Roma paj te resen šansa te legaren normalno dživdipa. Numa ko jakha taro na-Roma ola dikhen e Romen em keren bilačhi ilustracia olenge. O lokalno legaripa keren zori te den suporto akale grupake prekal lačharipa i infrsastruktura ko olengere mahale thaj finasisirba , numa odoja forma suporto but droma na resel thaj trubul majbut.
