Pobuter taro 60 Roma taro gav Вerivojce – Kamenica duj masekia si bizo pijbe pani thaj higiena.
Sebepi baro tatipa o bunaria šukile thaj nane arakhli alternativa panjeske.
” Jekh drom angje jekh cisterna pani, thaj mukhle la odothe. Masekoncar si čuči” vakerel dizutno taro gav. Akalea majarakhle si o čhave thaj o terne so nane len šartia te ikeren higiena.
„O čhave na džana an i škola, a olengere amala palden olen taro busia soske khadena thaj si binangjarde” vakerel aver manuš.
Tari komuna vakerena kaj panda nane len faisali akale problemske. Udžarel pe taro lokalno ofisia te arakhen moduli te šaj ovel akale Romen pani pijbaske thaj higienake. O Roma akanaske arakhen alternativa kote pheren pani pijbaske taro pire komšie.
Akaja grupa Roma an o gav si panda taro 2003 berš, palo olengoro iraniba taro Makedonia kote sine len statuso sar – migrantia. Tegani o UNHCR kergja lenge khera thaj kergja ko sako kher thaj po jekh bunari.
Link: http://www.rtvpuls.com/vesti/romi_u_kamenici_dva_meseca_bez_vode/15877
