I Hamida Šalja (19) taro Nikšić, si majšuži Romani čhaj an o Montenegro bašo 2017 berš.
Oj legargja i viktoria maškar 10 konkurentke. Sar avgo dži majšuži taro žiri notirimi si i Leontina Ajvazi (16) tari Podgorica, a dujto sar dži majšuži si i Bajramša Gaši (15) taro Nikšić.
O vicepresidento e Koaliciake taro Romano NGO Romano forumo e integraciake an o Nikšić o Tahir Hajruši akcentiringja kaj o alusar sine realno. Ov si bibahtalo soske nane but suporto tari them thaj i komuna akale manifestaciake so si tradicionalno.
I atmosfera akale Miseske panda majlačhi sine sebepi sar spec misafiri sine o Ismail Delia, o manuš so legargja i viktoria ko muzičko šou “Pinkove čerenja”.
