Amen siem aktivno sako individualno partenerea taro Paščimalo Balkani te ovel le perspektibva an i Europakiri Unia vakergja o učo membro avrutne arakhibaske tari Europakiri Unia , Frederika Mogerini ko plo lafikeriba an o Bledsko strateško forumo an i Slovenia.
I Mogerini notiringja kote akana an i Europa so arakhel pe ko ilo e Europake thaj si o balkansko nacie thaj trubul te ovel len jekh a jekh šansa thaj arakhiba em niamia sar sa aver dizutnen an o europakoro kontinento.
“Mange si fakti kaj o sasto Balkani trubul an o agor te ovel kotor tari Europakiri Unia” -notiringja i Mogerini.
Oj lipargja kaj odova sine dendo lafi angleder pobuter tarp 13 berša an o Solun thaj odova legaripa taro 28 thema – membria an o EU sine vakerdo thaj akava mart.
– Me notiringjum sar miri personalno resarin an o agor e mandateske ki akabutni Europakiri Komisia odova si bašo duj berša te dikha praktično thaj diklo progresi so ka kerel o drumo premal i EU ma te ovel irame- vakergja i Mogerini.
