Saranda Roma, kote pobuter čahve , ko avgo dive taro Nevo berš nakhaven o dive telal phravdo del kana ko javinakere saatia ko 5 o saati, sine bari jag an o objekti taro purano Neuro – psihiatarsko ofiso an o Kliničko hospitali an o Štip kote dživdinen sine akala čorole Roma.
I bari jag ali taro tavano thaj o udar kote so khuvel pe an o objeti kana o Roma soven sine a o 14 famile sig iklile avrial. Premal olengere lafia, i bari jag sine odokhar zorali sp sigate astargja saste kotora taro objekti.
” Sova sine kana uli i bari jag , iklilem, akhargjem urgentno ekipa čhinavibaske jag, thaj čhinavgjem i elektrika. I ekipa ali sig, udžara te avel dizjakoro šerutno thaj deputatia te den amen arka. Nane amen lhanči, sa thabilo amenge” – vakergjao Erbihan Demirov jekh taro Roma
Kana kergja pe lafi so ačhile an o droma, i temperatura sine minus 2. O čahve sine an o menie bizo kalcunja. Sine thaj džuvlja so sine khamne thaj nekobor phureder manuša. O Roma šubikeren pe kaj i bari jag si čhivdi zorea benzinea.
” Si amen bare problemia jekhe manušea, kasaja siem an o kriso bašo maripa thaj ov si pendžardo e policiake. Ov frdel sine barencar thaj daravel amen sine jekh dive kaj ka tharel amen savoren. Jekh drom kergja amenge atako, thaj amen irangjam oleske thaj akana siem an o Kriso” – vakergja o Demirov.
” Akale familienge sar interventno arka trubul olenge hajba, šea, thaj deke. Ka roda taro Lolo Kriso thaj savore okola so šaj te den arka akal manušenge, soske si mukhle akana korkoro peste. Sarandamanuša si akana avrial” – Vakerel membro taro NGO sektori
Jekh taro thare lokacie sine le panda jag so thabljol sine kotor taro memebli. O ekipe čhinavibaske bari jag agorkergje pli buti thaj gele peske. Jekh olendar pelo tele thaj akana si an o hospitali. O asato kompleksi sine thanjarde Roma so si bizo khera , bizi elektrika thaj takjaribaske. O diutne apelirinen te mukhen lenge majsig elektrika. Bičhavgje apeli sig te legaren pe ko desave aver objektia. I komuna olenge planirinel te tamikerel sociualno objekti an i mahala Čerenja, kote si lokacia, numa taro Ministeriumi bašo transport thaj konekcia prekal o NGO sektori, o proekti si iramo.
