E familiake Usković – Čavelić taro Brestovac sp gejnela deš džene trubul majsiga te del pe suporto hajbaja thaj šeja.
Akaja familia džuvdinela kan i periferia e romane mahalake an o Brestovac ko kher so nane len udar, pendžerke, bizi elektrikani energia thaj pani sar majelemntarno funde dživdipaske.
Sar so informirine o mediumia o tehničko pani taro pumpe istemalkerel pe te nangjon thaj te thoven čeja, numa našti te ovel pijbaske.
Ju familia isi šiv tikneberšengere persone taro 0 dži ko 17 berša , na lena socialno soske buteder džene an i familia nane len komplet dokumentacia.
“Sium sine avdive an i pošta te lav love čhavenge, vakergje kaj nane panda mukhle, o čhave udžaren khere bokhale, nane man love hajbaske thaj mareske. Odole lovencar planiringjum te kinav higiensko artiklia” vakergja i Biljana Čavelić (26) daj pandž tikne čhavenge.
