Taro avdive e alusaribaskiri lista si an i opservacia bašo lokalno alusariba. O dizutne dži ko 9-to septembro ka šaj te den rodaripa bašo hramosariba, dopheriba jali te oven kosle taro informacie. Ki lista si evidentrime 1.816.127 dizutne.
An o materialia so si dendo dži ko Ofiso statistikake aso resle informacie taro MAB , nane ažuririme informacie bašo 11.346 persone, majbaro kotor olendar so nane len adresa taro dživdipa. E Themakoro alusaribaskiri komisi tarubul te faisalkerel akava problemo ko roko taro 24 saatia.
I Komisia ko roko taro 5 divesa kana ka kerel pe sasti opservacia an i alusaribaskiri lista ka del dži ko politikane partie. Taro akava alusaribaskoro ofiso vakerena kaj sasto ažuririba e listake ka phanel sa o thana baši manipulacia.
Avdive startujnel thaj o roko te resen pe signature taro biathinale kandidatia bašo konsiliaria thaj dizjakere šerutne so ka ovel sa dži ko 4 septemvri. O politikane partie piri lista taro kandidatia trubul te aplicirinel majpalune dataja 9 septemvri.
Alusaribaskiri kampanja startujnela ko 25 septemvrui , a ka agorkerel ko 13 ijitmvri ki jekvaš i rakj.
O lokalno alusariba ka ikeren pe ko 15 oktomvri , a eventualno dujto rota ka ovel ko 29-to oktomvri.
