Akava akti ulo angleder desave divesa an o Čačak.
I familia taro akana mulo Jovica lazarević (52) šokiringja pe kana phravgja o tabuti kotar so iklili but bilačhi sung.
Taro tabuti ked phravgje le iklile mušice a o muj taro mulo manhuš sine saste deformirime. Odole skandaleske akana sar sp notirinen došalo si o gazda e parunibaskere firmake o Pero Matić so naadekvatno tretiringja e mule ko akala uče temperature.
Ola o akti notiingje dži ki komunalno inspekcia numa ola vakergje kaj nane ola džovaplime akaleske.
Šaj sine te vakeren kaj nane len klima jali aver te džana sine. Agjaar akana ka roda kompenzacia, vakeren tari familia.
O gazda e kompaniake vakerel kaj e mule tretiringje le thaj arakhlje le aso sa o standardia thaj kerel pe lafi odoleske salde i familia te lel love tari kompenzacia thaj akava si avgo drom te ovel asavko momenti ki olemgiri džiakanutni 26 berš butikeriba.
