O Roma si naturakere čhave. Ola avile an i akaja lumia te keren e manušen lošale, bahtale. O Roma na rodena diz, them – vakerel o pendžarutno giljavutno thaj romano aktivisti. O Muharem Serbezovski si giljavutno, kompozitori, literati, translatori, magistar hakoenge thaj si le kerdi translacia e Kuraneske thaj e Bibliake an i romani čhib.
Isi teza kote salde o Roma džanen te dživdine pherde vilea thaj kamen o dživdipa.
Ko momenti vakerel jekh tikni anegdota e pendžarutne fudbalerea o Samuel Eto kote an o jekh biav an i Barselona giljavena sine barabutne , soske i gili “Za venčanim stolom, sada sediš – Eto” ov mislinel sine kaj i gili tani specijalno oleske thaj vazdel sine o tahtaj sako drom kana ko giljabe ka vakerel sine o lafi – Eto!
An i India ko vakti oleskere vizitake hramosargja lil bašo o darhinalipa e Romenge kaj avena tari India, Ko jekh dikhiba e Indira Gandia, ov pučlja ola dali čače o Roma aven tari India, so i Gandi asandili, a o Muharem havgja odova kaj si čačem thaj transformacia e lafeske, oha – čače em ma puč buteder odoleske. Ov vakerel kaj agjaar havgja i reakcia tari Indira Gandi.
