O Kabineto taro Ministeriumi bizo resoro – Samka Ibraimobski – Implementatori e Strategiake ko lačhariba e situaciake e Romenge an i republika Makedonia an i konekcia e Konskurskeske ko hramosariba studentia an o akademsko 2017/2018 berš an i republika Makedonia liparela e dizutnen taro Romano entiteto te šaj aplicirinen baši bilovengoro stipendiriba an o MIT Univerziteto -Skopje.
O MIT univerziteto – Skopje resarinaja te del sasoitno džovaplipa sat inkluzia thaj multikulturalno uči edukacia , dela 10 bilovengere stipendie ko džidiplomsko studie e siklenge taro 4 beršengiri edukacia odlično sukcesea thaj sikavgje rezultatia avrual edukaciakoro aktiviteti taro Romano nacionaliteto.
O stipendirime studentia si len niami te alusaren ko savo bilo akreditirimo fakulteto thaj studentsko pprograme an o pervazia e MIT Iniverziteto – Skopje: Fakulteti bašo Menadžmenti, Fakulteti baši arhitektura, Fakulteti baši psihologia, Fakulteti baši jurisdikcia, internacionalno konekcia thaj diplomatia, Fakulteti sekjuriteteske, Fakulteto bašo menadžemnt thaj ekološko resursia.
Sar prioriteto ko alusar e stipendienge studentia ka oven persone so aven taro socialno familie.
O kandidatia so ka aplicirinen e stipendienge trubul te anen akala dokumentia:
Serifikato bašo bijanibaskoro lil
Themutnipa
Šatr sveditelstvia bašo agokrerdi maškarutni edukacia
Diploma bašo lendo than ko manifestacie, resle phursakoa , diplome thaj aver rezultatia taro avriedukaciakere aktivitetia.
Dokumenti bašo materialno situacia e studenteske thaj oleskiri paše familia thaj masekoskere resle love an i familia e studentneske.
2 fotografie
O kandidatia trubul te den o dokumentia majpalune dataja dži ko 20-to Avgusto an o MIT Univerziteto -Skopje.
O rezultatia e stipendiribaske ka oven havljarde ko roko taro 5 divesa an o Web sajti taro MIT-Universiteto – Skopje (www.mit.edu.mk) thaj ka oven dende dži ko kabineto taro ministeri Samka Ibraimovski.
