O rodaripa sikavela kote ko dur vakti (angleder 1.200 berša) ko desave phare thaj nalačhe šartia o Roma gele tari India thaj gele an o avera thema thaj na irangje pe.
O rodaripa e Romencar sikavel e Romen taro istorisko, religiakoro, čhibjakoro,. kulturno thaj pirane adetia thaj tradicie so si konektirime e North Indiaja . Aso čhibjakere thaj pirane rodaripa kerde tari rig e rajoske Janardan Pathania (India) ko agorutne 50 berša vakerel kote 95% o vokabulari thaj 100% gramatikas e romane čhibjake ko jekh arakhel pe ko northindiakere ćhibja thaj dialektora.
Ov vakerela kote jekh romani persona but lokheste šaj sikljovel i indisko čhib (hindusko čhib). Odoela thaj jekh north indijco but lokheste ka sikljol i romani čhib ki odoja forma. prekal akava forumo (web sajto) ka šaj te kerel pe zori te sikljovel pe i romani thaj hindustansko čhib sakone personake so kamel.
Kamasa te keras jekh Indo -romani kulturakiri phurt maškar i india thaj o Roma an i sasti lumia thaj te animirinel špe o lungo našavde kontaktia.
pdpleske akharen pe sa o literaturia, naučnikia, artistia te ikljon thaj te keren buti an o keriba internacionalno indisko -romano kulturakiri phurt.
