Persi masek, o mušterie taro purabalo kontinenti kergje “atako” an o Ritopek, srbiakoro šerutno than e kirezienge. Sako rat salde jekh klienti baši Rusia džana sine trin šleperia taro 18 tonia.
O Rusincia bi kinen sa te ovel sine 10 droma majbut da. Sa o kirezia taro Ritopek abši Moskva thaj Sankt Petersburg.
Te šaj resel pe sa odoba sine angažirime 5.000 manuša so kheden kirezie. Majbaro numero olendar sine Roma tari Srbia, Bosna thaj Romania.
I plata sine lenge taro 20 dži ko 25 eura an o dive. Ola keren sine ko proseko buti 10 -12 saatia a keren sine 2-3 pauze.
Odova sine šerutni buti an i sezona okola so kheden o kirezoe kote majbut Roma si pendžarde e gazdenge taro akala thana.
Ola vakeren kote upreder 12 berša napalal ko akava periodi e beršeske aven thaj keren buti. Jekhutne o Roma khedena, o Srblie merinena, a o Rusincia legarena!
