E Čehiakoro presidento Miloš Zeman rodingja ma te dislocirinel pe i farma an o Leti than kote ko Dujto lumiakoro maripa e Romen deportirinen pe sine an o Aušvic.
“Me sium ko odova than te ovel respektabilno lipar – memorialo Numa me sium mujal dislokacija e kompaniake. odova si profitabilno kompania.
So ka ovel ko olakoro than? Čučo baro than , vakergja o Zeman. Ov lipargja kote sar ppremieri an o periodi 1998 -2002 sine mujal dislokacija e farmake soske i taksa si but uči 16 milionia eura.
O ministeru akana ko sig vakti an o logori Leti an o utar e Čehiake sine e Romencar thaj aktivistia taro 15 europakere thema kote paše 300 manuša rodena sine taro Govermento definitivno te pherel o dendo lafi te dislocirinel i farma, thaj kote sebepi nasvalipa thaj namanušikane šartia taro 1.308 persone so nakhle taro iodova logori mule 327 Roma , maškar olende thaj čhave, a 500 olendar sine deportirime an o plinsko komore ko Aušvic.
„O Leti si internacionalno simbolo bašo narespektiribe e viktimenge taro holokausto thaj i ladž e Čehiake” vakergja o Bendjamin Patan , presidento e europakere entirasistikani asociacia EGAM.
Ov lipargja kaj o Roma so sine mučime ko odova than sine Čehiakere themutne, a logorsko stražaria sine Čehia.
