An i lumia but hari kerel pe lafi bašo džuvlja so sinea an o nacistikane logoria ko vakti taro Dujto Lumiakoro maripa . Palo efta decenie , pobaro numero olendar gejnen ple agorutne dživdipaskere divesa džanlipaja kote nijekh drom nane te legaren džovaplipa bašo plo kerdo terori. Trao barabutne 3.700 so sine an o Hotelreskere logoria, salde trin olendar si telel adalateskoro rodaripa so lele than an o masovno mudaripa.
Jekh olendar so naklja bizo procesi si i Šarolat.S. Sine sekjuriti ko logori an o Ravensburg ko utar tari Germania a okola so ačhile dživde liparen sar džuvli kote o phanmle darana sine latar but, soske but malteretirinel len sine thaj mukhel sine lenge e džukelen – germansko ovčaria.
Sine fanatiko taro nacizmi thaj kerel sine patrola an o logoriu, legaribaja e džukelen so sine trenirime e logorašenge te atakujnen o genetalie. . Sine palo odova legardi an o Aušvic, thaj odori da kerel sine odova tretmani.
-Sine džuvli kote palo olakoro asavno muj garavel sine bilačho karakteri.Sine ispravno sar motka. Sine la džukel, so treniringja ole ma te mangel logorašen. tergjova sine gurime jekh uzal aver em ko šudro em ko tatipe, thaj neko te mrdingja oj mukhel sine e džukelen, sine o lafia tari jekh so ačhili dživdi logoraška.
Inače i Šarlota sine la afera jekhe esesovcea kana sine an o logori thaj sine paldimi odothar ko 1943 berš kana havljargja pe kaj si dovogende. Palo maripa o utargermansko legaripa angja decizia phanlipaske 15 masek bašo sar so si notirime an o akti “mariba logorašia, thaj čoriba olengere bukja”
Akana isi la 94 berša, thaj namangel te kerel lafi odoleske
Sar olate sine thaj i Gizela.S džuvli “bilačhe” muea, thaj kerel sine buti bašo esesovcia thaj olakoro prandimo anav sine Deming. Oj marel sine e logorašen majtikne bukjengje. I Gizela arakhel sine okola kelie kote o phanle tergjovena sine. Oj ko odola tikne kelie čhivel sine em po 15 manuša taro jekh drom. Divesencar mukhel len sine an o odola kelie, thaj pobut olendar merena sine odothe. Sine la kamlipaskiri afera e eses doktorea Franc Bernhard Lukas, kote taro jekh drom čhinavgje te oven pari soske ov javno bičhavgja lake kritika bašo bilačhe eksperimentia so keren sine upral o logorašia so kerel sine o doktor Josef Mengele popendžardo anavea ” Angeli meribaske”. Oj pakjala sine kaj o Jaudie, o Roma thaj o Slovenia “majteluni klasa” thaj na trubul olenge majbut. Ko thavdipe taro 60-to berša ko vakti kana adaltekerel pe sine o Procesi Aušvic si phanli, numa našlja taro phanlipa. O kriso vakerel kaj akana si but phuri te šaj te legarel džovaplipa odole teroreske.
