E čhibjakere eksperktia havlajrgje o lafi “imigranti” sar majimportantno lafi an i Germania ko 2015 berš. Akava lafi dominiringja ko diskusie akava berš kote so udžaren pe milion rodaripa bašo azili. O paneli maškar ekspertia taro germaniakiri čhib o lafi „Fluechtlinge“, jali imigranti maškar 2.500 javer lafia. Ko definiriba e lafeske tergjol kaj o lafi sine ko javno diskursi akava berš ki politikani, ekonomikani thaj sasoitnikani sfera.
Prekal UNHCR peravdo si o rekordi taro imigrantia an i lumia
O tragično rekordi taro 2014 berš kote paše 60 milionia manuša sebepi o mariba jali terori našle taro ple khera akava berš si nakhavdo, vakeren taro UN. ” Paše milioni manuša so akava berš nakhle o Mediterani sar imigrantia, sebepi o konflikti an i Siria thaj aver kotora tari lumia so si frapantno nevo kotor taro manušikano chidipa.ko 2015 berš majpakjavutne ka nakhavel sa o anglutne rekordia kana si lafi bašo globalno zorea thanjaripa” akcentirinel pe an o raporto taro UNHCR (United Nations High Commissioner for Refugees). Persi berš te sine imigrantia thaj paldime 59.5 milionia manuša an i sasti lumia, akava berš majpakjavutne ka oven upreder 60 milionia manuša.
Dujto than preperel e termineske „Je suis Charlie“ , jali ” Me sem o Šarli” , slogani so o manuša an i limia sikavgje plo solidariteti e Franciaja palo atakia ko ofisi e magazineske Šarli Hebdo
Ko trinto than si „Grexit“, moneta so sikavel sine o šajdipa i Grcia te ikljol tari Eurozona sebepi i kriza borčea.
