MTPS nekobor droma bičhavgja apeli e Romenge so si telal o Kale te aven ko Čičino selo , numa sar so vakerena taro akava ministeriumi ola na mangen.
Jekh taro pandž nukte so si dende taro ministeriumi baši sociala si o faisali e probelemeske e Romenge taro Kale, te oven akomodime an i Kasarna “Ilinden”
„Amen sar ministeriumi kergjem pandž nukte kote so gndinaja kaj ka kerel pe lačharipa e situaciake angleder te oven akomodime an i Kasarna “Ilinden”, so si an o pašope e thaneske so ko komenti dživdinena. Ka dikha si li čuče socialno apartmania te šaj te da len olenge” vakerel pe taro MTSP.
An i infromacia taro Ministeriumi e armiake vakeren kaj panda nane len konkretno an i konekcia ki dislokacia e Romenge an i kasarna “Ilinden”.
Taro Ministeriumi baši sociala vakerena kaj nane nikaste zorea te palden olen e manušen so si telal o Kale thaj akava problemi ka faisalkerel pe prekal o dialogo.
