I diz Indre an i paščimali Francia e Romenge migrantia kergja asavke šartia bašo lačho džovdipa a ko jekh dengja neve šartia baši olengiri integracia.
O sasoitnipa an i francia si hor hulavde kana kerel pe lafi an i tema imigracia. Nesave političaria si sktremno mujal o Roma majbut so avena tari Romania thaj Bugaria.
Ko momenti an i Francia isi maškar 15 thaj 20 mile Roma. Milja olendar si deportirime ko palune berša, thaj peravde si o kampia kote dživdinena.
Numa an i diz Indre i situacia si aver. Trujal i šansa baši integracia (buti, edukacia, socialno siguriteto thaj aver) i diz anel thaj savale. Jekh olendar si o čhave trubul te džan an i škola, a o aver Roma si bare jali čhave trubul te sikljon i francusko čhib.
O lokalno lideria akava pučiba percepirinena le sar importantno soske sa aver dikhiba e Romen ka našti te oven čačitne membria an o sasoitnipa.
„O Roma nane diferentno taro avera manuša thaj grupe migrantia so aven an i Francia , ola trubul te integririnen pe an i them. odova but phareste ka resel pe an i jekh generacia, numa trubul te nakhen buteder generacia te šaj o Roma saste te integririnen pe an o sasoitnipathaj te oven sar Francuzia” vakergja o Gilles Olivier , membro e dizjakere ofiseske an o Indre.
O sukcesoi akale proekteske ka phagel sa o teorie taro nesave političaria so vakeren kaj o Roma na mangen integracia an o sasoitnipa. Numa savore džanaja kaj trubul te buvljarel pe i mangin sar e themake, govermenteske thaj e korkoro Romenge te šaj odova te ovel sukcesialo.
Link: http://balkans.aljazeera.net/vijesti/grad-koji-rusi-stereotipe-o-romima-u-francuskoj
