Džal majodorig i debata an i Germania bašo o migrantia taro Balkani . O mediumia analaizirinen i relacia germansko govermento mujal olende thaj keren komparacia aver europakere themencar.
„Relativno paldime” si o anava e tekstenge kote o “Zideutsche zeitung” notirinel e migrantenge taro Balkani . I gazeta liparela kote o migrantia taro akava regioni nane len nisave šanske te resen azili an i Germania “numa odoleske si len majbare šanse an o aver thema an i EU”.
„Ake info bašo nakhle berša: I Francia taro 715 dengja 230 azilia e Srbiake, a odova si 32%. Ani Švajcaria 37% tari Srvia. I Finska lelja jekvaš taro sa o Kosovaria so rodingje azili. O numeria si identično em e BiH: An i Švajcarua resle 42%, an i Belgia 18 thaj Danska 12%. I Germania dengja salde 1% paralelaja odole themenge. Sako miljato rodaripa tari Srbia sine dendo , e Makedoniake 0,3% a Albania 0.4%.
Klar si sar dive kote i EU isi duplo standardia. Numa trubul te drabaren pe o beršeskere raportia taro Amnesti International te šaj e Romen tari Srbia thaj avera thema so si diskriminirime si riziko palo dživdipa. Aso Ženevakiri Konvencia e migrantenge , čhijba bare jaga an o romane mahalke , olengiri getoizacia thaj ekonomsko barikada šaj te del pe karakteri sar “grupno paldiba”. An i Francia odova si kerdo numa an i Germaniaja – na.
