I Agencia bašo audio thaj vizuelno mediumsko aktiviteto aso buti kergja baro programsko kontrola upral i buti tari televizia Alfa palo sikaviba taro nevipena an o 15to Majo ko 17:30 thaj an o 23:00h.
I kontrola ali đi ki konkluzija kaj kontradiktorno e zakoneske vaš i zaštita tari diskriminacija, TV Alfa e informacijaja so sine hramordi sar „O Roma si ki svako ulica, thaj maltretirinena e dizutnen – isi li strategija te nakhavel pes akava problemo“, sikavdi an o haberija ko 17:30 thaj 23:00 ko 15to Majo 2017, dela muj thaj širinel diskriminacija upral o Roma bazirime kaj si delo tari marginalizirano grupa. O šerutno e Agencijakoro bićhalgja hramosardo demandi đi ki Komisija vaš protekcija tari diskriminacija te legarel o proceso maj angle.
