O holandsko govermento si an i idea bašo aniba ničali lovengiri arka taro 890 eura sa e dizutnenge bizo fakti keren buti jali na.
sar so havljarel i gazeta ” Guardian” ko akava čhani o Holangjani ka tikjnaren o stresi so kerel len o nanipa love, thaj ka bajrarel i produktivnost ko bukjarne thana.
Amaro rodaripa sikavel kaj o bukjarne so planirinen e lovencar si dur naproduktivno taro okola so si čale ple masekoskere plataja. Esapina kaj isi amen Majbaro hairi taro motivirime bukjaren, trujal so ka našava tari olengiri buti – notirinel i Helen de Boer tari Partia hariale.
Agjaar baro problemo si o bukjrane so arakhen pe telal i presia taro bibukjakoro thaj astaren sako buti. Sar so havljaren o holandsko mediumia, o love akale manušenge keren siguriteti thaj majlokheste, arakhena buti so ola mangena. Ko masekoja so avena ka implementirinel pe eksperimentalno proba te sikavel ka ovel li sukcesi. Asavki idea isi thaj an i Finska kote havljaren implementacia ” fundavno love” taro 600 eura, informirinel o protalo Kalimero
