Anglal o Kriso ko Asnovgrad erati sine zoralo policiakoro sekjuriti ko vakti e proceseske mujal enja Roma so lele than an o maškaretnikano incidenti angleder desave divesa
Anglal o Kriso khedingje pe paše manuša e phanle romenge. Ola vakeren kaj darana pe dživdipaske thaj sastipaske thaj pire čhavenge palo ikerde protestua so sine an i diz. Aso olengere vakerina o phanel Roma si viktimia taro fizičko atako, soske ola marenpe sine em arakhen sine pe majpaše familia, havljaren desave bugarsko mediumia.
An o Asenovgrad i situacia si seriozno palo incidenti kote o Roma margje terne čhaven taro lokalno kajak klubi. Akaja si panda jekh komuna so kerel baro zori te faisalkerel o problemi e bare nateloreancijaja mujal o Roma . Ko jekh momenti an o Asenovgrad džuvlja taro 15 thaj 16 berša atakujngje e romnja thaj e čhija taro vice muftia soske si muslimania. Numa akale incidenteske na kerel pe vorba an i diz.
