Implementaciaja pluralizmo an i Republika Makedonia i romani jekhin reslja niami te lel than an o tamikeriba demokratia thaj politikano aplikacia ko sistemi e themake.
O roma an i Republika Makedonia taro 1990 berš dži kana sine len formirime 8 politikane partie.
I jekhto politikani partia “Partia baši sasti emancipacia e Romenge” – PCER si formirime an o 1991 berš kote lideri sine o rajo Faik Abdi.
Ko 1994 berš palo konflikto ko strukture an o PCER formirinel pe i dujto romani partia “Demokratsko progresivno partia e Romenge – DPPRM kote sar presidento sine alusardo o rajo Neždet Mustafa.
An o 1998 berš palem isi konflikti an o PCER thaj sikavel pe trinto romani politikani partia sar “Sojuzi e Romengoro tari Makedonia” -SRM kote sar presidento si alusardo o rajo Amdi Bajram.
An o 2002 berš ikljol panda jekh nevi politikani partia , a aver del peske nevo anav. I nevi politikani partia si ” Partia e jekhutnipaske taro Roma, presidento Alil Mevaip. I DPPRM akana del peske nevo anav sar Unimi partia baši emancipacia” -OPE kote ačhol presidento o Neždet Mustafa. Ko 2003 berš palo mediumsko debakl taro Amdi Bajram o rajo Šaban Saliu sebepi lidersko konflikto keren nevi politikani parti ” Demokrtasko takatia e Romenge” – DSR kote sar šresidento si o rajo Šaban Saliu.
Ko 2006 berš ikljol nevi romani partia . odova berš o Bajram Berat registririnel i partia “Paria baši integracia e Romenge” – PIR, a o Adem Arifovsju taro prilep formirinela i “Demokratsko Unia e Romenge” -DUR.
Palo konflikto ko DSR sar nevi formirimi partia si demokratsko partia e Romenge – DPR presidento o Miljazim Sakipov. Sar agorutni formirimi romani partia si Roma Unime e Makedoniake -ROM . I partoa si formirime an o 2013 berđ a olakoro presidento si Erdžan Selim.
