Ko starti na sine khanči – ni Kham, ni Luna, ni čerenja an o karanluko an o avgo haosi so tromale sine, sar ko hor suno anglal o aver startia majanglal ulo o -pani.
O pani bijangja e jaga. o baro zor taro tato kergje e somnakano Jaro. tegani panda na džanel pe sine o berš soske na sine ko te esapinel o berš numa odokhare kobor so sine o berš, pajdžala sine o Somnakano Jaro ko panja taro okeani bizi kinara thaj bizo hor. palo jekh berš tari somnakani kora ulo amaro paradad o Brahma. Ov phaglja o jaro an o jekvaš. Taro upruno jekvaš ulo o del, taro teluno i phuv a maškar olende hulavdo o Brhma sine e havaeskoro than. Palo odova zojrakergja i phuv ko maškar e panjeske kergja sa o riga e lumiake thaj notiringja o vakti. Palo odova ulo i galaksia.
O Braham kergja šov murša čhave, špv bare manuša taro keriba. kergja len zoraja taro pire gndina. Makphureder sine o čhavo Mariči, dujto o Atri, trinto Angirasšatrto Pulastjam pandžto Pulaha thaj o šovto o Kratu.
O čhavo taro Mariči sune o gogjaver Kašjapa, kotar o pani kerge o develia, demonia thaj o manuša, o čiriklja thaj o sapa, džinia thaj kolosia, grasta thaj guruvnja thaj avera develskere thaj bengerskere persone kotar so ulo o del thaj i phuv thaj telal i phuv.
O eftato čhavo taro Brahim o del keribaske sine o Dakša. Ov iklilo taro piro parapaoskoro naj taro danialo piro, a taro naj e Brahamoskere bainalo pro bikandili i čhaj anavea Verina so ki translacia si – rakj, oj uli romni e Dakšimeske thaj bijangja 50 čhija. Deš thaj trin olendar prandingje pe e Kašjap, biš thaj efta e Somaske, o devel e lunakoro , e Atriskere čhaveske thaj ola ule 27 čerenja an o del upre thaj panda deđ dakšineskere čhija ule romnja e Darmiaske , devel e čačipaske.
I mapjohureder čhaj taro dakšin i Dita romni e Kaškapeske uli daj e demoneske – Dajtea; I Danu i dujto čhaj bijangja e dujto čhaj bijangkja e zorale džinen Danave. I trinto čhaj Aditi bijangja deš thaj duj but lačhe murše čhaven – Aditie bare devela. O majzoralo maškar olende sine o Varun o devel e okeaneskor, o Indra devel e kijameteske, Vivasvat Khameskoro devel kaste anavkeren sine panda Surja, numa pire baripaja savoren nakhavgja Taro sako drom o Ditin thaj i Danuin olengere čhave si anavkerde sar asuri – so sine kontra o devela. Ko mariba maškar o asuria thaj o Devela bašo ko ka ovel šerutno ab i Galaksia si but vekia thaj olengoro naamalipa panda nae agor.
