Tradicionalno sar sako berp agjaar akava da ko 3 juli ko lačho ambienti e nilaeksre garteneske an o hotelo “Kontinetal” an o Skopje ka ikerel pe i kulturakiri manifestacua “Miss Internacionalno Romani majšuži čhaj 2017”
Odoja rakj an i konkurencia e bare titulake ka len than čhija tari Makedonia, Srbia, Hrvatska, Bosna, Kosovo, Bugaria, Grcia, Kipar, Slovakia, Čehia, Slovenia,Ungaria thaj Albania.
Ko jekh an i sasti manifestacia ka ovel barvali kulturno muzikakiri programa bare anavencar tari setrada sar tari Makedonia agjaar thah avrial olatar.
Maškar o aver odoja rakj si havljarde promocia e majneve giljake taro baro vokali tari Makedonia i Vaska Jankovska so si pendžardi palo giljaviba e legendarno giljake “Herdelezi” an o filmi “Dom za vešanje”
Akava drom i gili si jekh pirani romani gili kerde neve aranžmanea thaj than lena but pendžarde muzičaria thaj vokalistia maškar so sar kotor akale giljake plo than isi e Ferus Mustafov, skas thaj klarineti, Džambo Agušev – truva, Tair Aljuš – violina thaj dujto vokali e giljake si o Mite Stoilkov , o aktuelno viktorimo vokali an o pendžardo regionalno muzičko šou ” Pinkove Zvezde”
