Kana rele o migarnatia an i Germania o političaria thaj mediumia notirinen kaj i them si hazri te arakhel pe akale momentea. Numa ko jekh mazunipaske, rapidno bajrola thaj o ekstremizmo thaj i numero taro atakia upral o imigrantia baro. E Krečuneskere – Božikoskere divesa na ankhle bizo atakiako kampia kaj si o emigrantia. Sine thardo objekti an o Gmund, ki pokraina Baden Virtenberg, sine atakujme duj kampia an i pokrania Saksonia an i diz Drezden, tharde sine duj khera an i bavarsko diz Velerštajn kote si aver imigrantia.
Sa odova ko akala nakhle dive, so si baredive taro tromalipa, mangipa premal o majpaše.
Trujal o notirime agzamplia sar bare mangipaja udžakeriba e imigranten, e ministerenge andrune bukjengje ko germaniakere pokraine si klar – jasno sa majzorali ovela okoja aver rig, i “kali rig” e themake.
O numero taro atakia bajrol rapidno ko maškar taro dekemvri sine notirime 850 atakia ko thana kote si strancia- štar drom majbut ki paralela persi beršea. Ki Germania akava berš ale pobut migrantianego persi berš. numa akala da atakia si but. An i pokraina North Raina Westfalia o numero taro atakia barilo šov drom bašo 187 droma. Odova o ministeri andrune bukjengje o Ralf Jeger dikhel le sar bari ladž.
Ko jekh bajrol o numero taro kerdo terori upral okoja namangipa premal o strancia, ko nakhle pandž berša barilo 50%. Aso o raportia taro ministeria, sako dive an i Germania si viktimi taro atako so si stranco, taro starti e masekoske oktomvri notirime si 389 asavke atakia kote isi 300 ratvarde.
