I sasti situacia dikhlja la jekh persona so klar sikavel i memoria so ulo odothe.
O sekjuriti an o mostarsko objekto tari “Slavonia Di” , o 59 beršengoro Valter Topić phajraribaja taro revolveri mudargja e 25 beršengere Rome , I.A palo odova te tharel o sasto objekto te šaj garavel o implikacie akale mudaripaske, vakeren tari policia e hercegovsko – neretvakoro regiono.
P načalniko ko ofisi e kriminalistikake Draženko Miletić vakerela so ilo akala duj divesa an i mahala Rudnik kote si o objekti ” Slavonia Di” vakerel kaj duj paše familija persone o duj terne Roma o I.A (1992) thaj o S.N. (1992)so kren buti sar khediba plastika ko kurko khuvgje ko obejkto taro ” Slavonia Di” so si telel sekjuriti kontrola gndipaja kaj nane manuša odothe khuvgje andre.
– Ola darana sine te khuven andre numa na dikhle e sekjuriti thaj khuvgje taro phaglo džami, numa kana khuvgje andre dikhlja len o V.T. so vakergja te ačhon em phajrargja jekh kurđumi naupre an i havaja , o S.N. reslja te našel prekal o phago džami , a o I.A. na reslja te našel. Alo leske o V.T thaj počmingje te bucinen pe , em tegani pištolea khuvgja ko šero e I.A, tegani o paše familia S.N. irangja pe te šaj ikavel e I.A , tegani o V.T. phajrargja taro pištoli, khuvgja e I.A. so pelo em na uštilom vakerel o načalniko Miletić.
Aso o lafia taro svedoko S.N. našlja soske o revolveri sine irame em premal oleste. Ki sasti situacia kana dikhlja o V.T so kergja thargja o sasto objekti te šaj garavel akava mudaripa, numa palo odova sine arakhlo thaj ko momenti udžarela krisekoro akti mujal oleste bašo akava kerdo mudaripa.
